「TVB花旦」出事住院半個月,感恩老公兩地頻撲照顧自己

呢排,「TVB花旦」滕麗名好少公開蒲頭,甚至缺席較早前嘅臺慶頒獎禮,原來佢喺舊年12月28日喺日本發生意外,令佢要留喺當地住咗兩個幾星期醫院,然後再休養至前兩日終于可拆線并康復返香港。

今日滕麗名喺社交平臺發文報平安,但佢冇透露發生乜事而入院留醫,佢話:「呢一個月,對人生價值觀有咗新體會,感恩老公(朱建昆)兩地頻撲照顧自己,睇到一張超認真極緊張又溫柔嘅一張臉,心痛但好心甜。」

而一班《愛回家之開心速遞》嘅好同事對滕麗名入院大表關心,佢話:「都多謝熊家人嘅支持,阿叔(單立文)隔天追魂CALL問候。

金城安(周嘉洛)每隔幾日畀我一個大大嘅吻。

最強朋友龍璟風風少Andrew Chan,越洋寄嚟kill time物資,大小姐(林淑敏)越洋嘅生日禮物,多謝臺前幕後工作人員,編劇組,監制祥仔,特別係多謝珍姐(曾勵珍)嘅關懷,辛苦你哋為我嘅安排調動。」

事後記者聯絡上滕麗名,佢話:「我唔小心跌低,宜家大致上都已經好翻,準備開工,多謝大家關心。」

發表回覆

你的電郵地址並不會被公開。