「TVB花旦」同好姊妹慶祝生日,感性留言…

「TVB花旦」陳自瑤39歲生日,雖然老公王浩信繼續無影蹤,但連日嚟陳自瑤獲得唔少好朋友為佢慶祝生日送上祝福,當中梗係唔會少得因為合拍《那些我愛過的人》而成為好姊妹嘅連詩雅同黃翠如啦!

陳自瑤喺社交平臺曬出當日生日會嘅相,見到佢哋三個喺生日蛋糕前一齊許愿,唔講仲以為佢哋三個一齊過生日。陳自瑤仲留言話:「有你哋,是我嘅幸福,一切盡在不言中,感恩。」

而連詩雅亦有曬出慶祝生日嘅靚照,佢同黃翠如為壽星女陳自瑤送上Birthday Kiss,睇到陳自瑤笑到見牙唔見眼,就知道當晚一定玩到好盡興。

其實早兩日連詩雅就同陳自瑤慶祝咗生日,佢哋兩個仲緊緊攬埋一齊!

而尋日「壽星女」陳自瑤繼續分享靚相,佢發文:「把身體照顧好,把喜歡的事做好,把重要的人待好,你要的一切都在路上……」

Like MisshkNews Facebook!不出门也能知天下事~

發佈回覆

你的電郵地址並不會被公開。