「TVB花旦」坦言好鐘意短髮造型,最愛《搜神傳》角色!

「TVB花旦」鐘嘉欣較早時接拍《兒科醫生》,但因為受疫情影響而停工,呢排佢喺社交平台直播,即興獻唱開小型音樂會,解悶之余仲可以同粉絲見面。

不過由于呢次鐘嘉欣一個人返香港,無帶老公仔女,令佢都好掛住屋企人,佢今日就揾嚟「床伴」一解寂寞,見到佢攬住啤啤熊甜笑,果然充滿少女心!

鐘嘉欣喺直播中傾到自己新髮型:「我剪咗短髮,我好鐘意,覺得自己好爽朗!囡囡Kelly想我有長頭髮,而家短咗佢都有少少唔開心,但我就鐘意短髮,因為未試過,覺得好細,好爽。」

鐘嘉欣更預告可能會保持短髮:「原來剪短髮真係好爽,我而家好鍾意,可能一世都唔會再留長頭髮,會愈剪愈短。」

之後,鐘嘉欣提到自己拍過最愛嘅電視劇,係古裝劇《搜神傳》,之後佢獻唱主題曲《發誓》,即席開小型演唱會,獲網民大贊回憶翻曬嚟!

講到鐘嘉欣,其實佢自從喺2015年宣布與圈外脊醫男友JeremyLeung結婚之後,宜家育有一子一女,鐘嘉欣以湊仔與家庭為理由,而暫時淡出娛樂圈,一家四口嘅日子過得相當幸福甜蜜。

2018年3月鐘嘉欣喺社交平台宣佈懷上二胎,同時宣布與TVB合約到期,并感謝公司過去13年嘅栽培。

宜家鐘嘉欣終於可以復出拍劇,希望鐘嘉欣可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。