「TVB花旦」大方曬婚戒,視帝老公力證情不變

「TVB花旦」陳自瑤同「TVB視帝」王浩信結婚八年,但呢幾年屢傳婚變,雖然佢哋已經多次否認傳聞,不過兩公婆已經好耐冇曬合照,亦冇同場出席活動,惹來外界揣測。

日前(5月20日)陳自瑤趁住520 呢個好日子,佢喺社交平臺曬相,更加久違噉大曬婚戒,掀起網民熱議,佢仲留言話:「愛,好似朱古力,無處不在!Happy 520。」而老公王浩信亦有第一時間點贊,力證情不變!

上個月尾,陳自瑤同囡囡慶祝生日,親手整咗一個蛋糕畀個囡,唔少圈中好友包括李施嬅、黃翠如、陳敏之、楊秀惠等人都有留言送上祝福,唯獨見唔到老公王浩信嘅蹤影。

更有眼利嘅網民發現,陳自瑤疑似將兩人過往嘅合照同全家福都刪曬,就剩低一張4年前兩公婆一齊健身嘅相。呢次陳自瑤大方曬出婚戒,睇嚟佢同王浩信感情有轉機?

不過都有一啲網民遺憾稱無合照之外!

更有眼利嘅網民見到「12廠」字樣,於是猜測稱係喺到拍劇,劇情需要!

而陳自瑤都回覆確認:「有啲人答啱啦,係劇情需要!」

講到陳自瑤,其實佢以模特身份進入娛樂圈,佢憑借長相甜美、身材高挑,仲長住一副娃娃臉參加咗《Cyber Girl》選舉比賽,并奪得咗比賽冠軍,仲一度畀網友們稱為「CTI姐姐」。

之後嘅陳自瑤轉戰演藝圈,參演咗《愛上我吧》、《法證先鋒》、《宮心計》、《仁心解碼》等劇集,都曾經被稱為TVB最美綠葉,不過呢幾年陳自瑤好少出現喺螢幕前,將重心轉移到家庭度。
而家已經係TVB視帝嘅老公,王浩信進入娛樂圈以來都出演多部熱播劇集,《野蠻奶奶大戰戈師奶》、《好心作怪》、《EU超時任務》、《不懂撒嬌的女人》、《踩過界》等,其中更加係憑《踩過界》獲得咗我最愛TVB男主角獎。

講起佢哋拍拖嘅史,其實陳自瑤同王浩信相識喺2008年,佢哋喺拍攝劇集《野蠻奶奶大戰戈師奶》嘅時候,因戲結緣而日久生情,當時嘅陳自瑤喺劇中客串咗「年輕版汪明荃」。

直到2009年,兩個人喺密會時畀媒體曝光之後,王浩信隨後公開咗與陳自瑤嘅戀情,相處咗兩年幾時間,喺光棍節當日選擇結束拍拖關係,攜手步入婚姻嘅殿堂。

結婚之後嘅第二年,陳自瑤就為王浩信誕下愛女,并改名為王靖喬。

而家佢哋已經結婚有八年,囡囡已經有7歲啦,已經係一個幸福美滿小家庭,不過此前有消息稱陳自瑤想追生二胎,但係隨著老公王浩信越嚟越紅,劇接劇接不停,睇怕無時間生二胎。

“陳自瑤 王浩信  二胎”的图片搜索结果

Like MisshkNews Facebook!不出门也能知天下事~

發表回覆

你的電郵地址並不會被公開。