「TVB花旦」朱晨麗畀雪藏近兩年,終于獲得解凍機會

2011年港姐冠軍朱晨麗(朱朱)呢幾年備受TVB力捧成為當家花旦,不過自從前年年頭嘅《大醬園》同《法證先鋒IV》播完之后,一直未有新劇出街。

 直至呢排邵氏劇集《飛虎3壯志英雄》喺大陸熱播,觀眾先有機會再欣賞到朱晨麗嘅演出。

舊年曾經傳出朱晨麗已經落實同黎耀祥、鄧萃雯等人演出重頭劇《巾幗梟雄4》,但之後唔知道點解又再擱置。

 不過呢排有報道指已經超過一年冇劇拍嘅朱晨麗,將會同黎耀祥等人合作拍攝新劇《輕.功》,事後記者為開拍新劇一事聯絡朱晨麗,佢直認有呢件事,但具體未知幾時開工,睇嚟呢次真係正式解凍!

其實朱晨麗自從加入TVB以來一直劇接劇,更加多次喺《萬千星輝頒獎典禮》獲提名獎,直至2017年憑借住《超時空男臣》中嘅方惠玲一角,一舉奪得最佳女配角。

 

同年朱晨麗喺劇集《特技人》中擔正做女主角,佢更因為連續拍劇30幾鐘體力透支需要送院治理。

之后,朱晨麗又參演臺慶劇《多功能老婆》、《大醬園》、《法證先鋒IV》,喺拍攝《法證先鋒IV》嗰陣,佢為求逼真棄用替身,導致手踭甩鉸,頸椎嚴重移位險致半癱。

等咗咁耐,朱晨麗終於有機會再拍劇,唔少粉絲都好期待朱晨麗嘅演出!

Like MisshkNews Facebook!不出门也能知天下事~

發佈回覆

你的電郵地址並不會被公開。