「TVB花旦」爆黃翠如趁老公開工偷食,直言關係唔似老友

而家已經係五月份,有唔少五月過生日嘅藝人都紛紛嘍好友慶祝生日,由於限聚令嘅影響唔可以大肆聚集慶祝,所以之前袁偉豪生日嗰陣,就係同女友張寶兒、單立文、胡蓓蔚四個人「撐臺腳」,簡單食飯慶祝。

呢排,「TVB花旦」唐詩詠亦係本月三日生日,唐詩詠較早時亦都喺社交平臺曬出一張自己企喺街頭嘅靚相,留言感謝大家嘅祝福。

而近段時間,一直都盛傳唐詩詠同新晉視帝馬國明嘅緋聞,雖然佢哋否認關係,話只係兄妹,但係網友依然會將佢哋聯繫喺埋一齊。

雖然唐詩詠生日冇馬國明嘅祝福,但有好姊妹黃翠如嘅相伴,唐詩詠更發文話黃翠如已經陪自己食咗四個生日蛋糕,直言兩人次次見面都係偷偷摸摸,等蕭正楠開工嗰陣先會見面。

唐詩詠更搞笑噉表示佢哋嘅關係唔可以長久,形容自己好似黃翠如嘅「情婦」,但求每次都能開開心心,佢哋更曬出兩人坐喺生日蛋糕前嘅合照。網友留言話或者蕭正楠先係真正嘅「情婦」。

呢幾年,黃翠如未有劇集同大家見面,反而蕭正楠事業逐步上升,黃翠如同死黨洪永城主持旅游節目,亦吸引唔少觀眾收睇,不過網友表示希望可以見到黃翠如嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *