「TVB花旦」畀全面封殺,新劇連TVB都唔敢宣傳!

田蕊妮、李思捷同曹永廉主演嘅《她她她的少女时代》正在熱播,故事以中年危機做題材,講述一個離婚中女重拾夢想嘅古仔,相當貼地。

劇集出街之後,反應好好,特別係田蕊妮喺第三集中演技大爆發,對住空櫈釋放多年嚟對老竇嘅不滿,情感同內心戲令人印象深刻!

雖然田蕊妮喺劇中表演得好好,但卻因為佢曾經于本月頭喺社交平臺留言:「我依家開個記者會宣布一陣間會有個記者會,嗰個記者會嘅內容係聽日會有個記者會….」,疑似不滿林鄭記招「無限Loop」。

呢個留言一出,即可引起唔少大陸網民嘅不滿,更連日嚟喺社交平臺留言攻擊田蕊妮,更加聲稱要罷睇新劇,將佢全面封殺!

而有網民發現《她她她的少女时代》幾乎絕跡于大陸社交平臺,甚至連TVB官方微博,亦冇為呢部劇宣傳!

喺TVB官方微博見到,TVB一如往常繼續發放新劇《包青天再起風云》同《愛回家之開心速遞》嘅宣傳短片,甚至有兒童節目《Big Big小吃貨》同《4+1廚房》嘅預告片,但始終唔見《她她她的少女时代》嘅蹤影。

對于TVB官方微博無為新劇宣傳一事,記者向TVB詢問,但到而家仍未有回覆。

發表回覆

你的電郵地址並不會被公開。 必要欄位標記為 *