「TVB花旦」畀誤認應屆港姐佳麗,笑到見牙唔見眼

「TVB花旦」朱晨麗同歷屆港姐包括馮盈盈、何依婷、張秀文、曹敏莉同劉倩婷等人,聯同24位入圍佳麗出席香港小姐市集活動!

著住碎花連身短裙嘅朱晨麗,夾喺24位候選佳麗當中,畀工作人員誤認係其一一位佳麗,佢馬上笑得見牙唔見眼,我真係好開心呀,原來我可以咁青春。

上一輪人淘汰走咗4位佳麗,其中一個賴彥妤係屬於朱晨麗一組,對于賴彥妤兩度參選港姐再畀淘汰,佢戥對方可惜,笑言話唔定遲啲會做同事。

另外馮盈盈嗰組都有一位佳麗馬祖雁畀淘汰,佢表示知馬祖雁畀人淘汰之后,大家都好傷心,有為對方打氣同鼓勵。

講到朱晨麗,其實佢喺2011年獲得港姐冠軍而入行,佢更喺2017年曾經以《超時空男臣》飾演嘅方惠玲一角,奪得《萬千星輝頒獎典禮2017》最佳女配角。

朱晨麗本來星路一片光明,從18線茄喱啡極速上位到一線花旦,呢幾年劇接劇嘅佢,《特技人》、《大醬園》都係擔任女主角。

之後,朱晨麗又參演臺慶劇《多功能老婆》,同洪永城飾演夫妻,并與同劇嘅楊千嬅、陳煒喺套戲內戲外都成為閨蜜。

喺今年嘅重頭劇《法證先鋒IV》,朱晨麗又喺拍攝期間為求逼真棄用替身,親身拍攝喺39樓嘅天臺救人戲份,導致手踭脫骹,頸椎嚴重移位險致半癱。

入行九年幾,朱晨麗係呢幾年先上位,以往都係茄喱啡,但喺2015年忽然富貴,除咗進駐月租十五萬嘅金鐘服務式住宅之外,歐游時坐頭等艙,兼一次付清買樓等。

原來喺2015年嗰陣,朱晨麗已經同TVB高層陳國強(殼王)搞地下情,而同時期,佢都開始喺TVB不斷露面,上位在即。

可惜朱晨麗繼《法證先鋒4》之後,佢手上零劇集突然間停低腳步,好似上位之路暫斷,背後原因嘅係緋聞男友殼王陳國強,喺今年初辭任電視廣播(TVB,00511)董事局主席同非執行董事職務。

後臺男友辭職,朱晨麗嘅上位之路恐怕有難度,失去高層照應,就算佢點肯捱肯博,充當其量可能只係二三線花旦,冇劇集拍觀眾好快會唔記得佢。

Like MisshkNews Facebook!不出门也能知天下事~

發佈回覆

你的電郵地址並不會被公開。