「TVB花旦」著透視裝上陣,爆8月開拍《金宵大廈2》

「TVB花旦」李施嬅同海俊杰出席《2020勁歌金曲優秀選第一回》,李施嬅更以透視裝亮相,佢哋第一次合唱嘅歌曲《二次緣》攞獎,都係佢哋嘅第一個音樂獎。

出道多年嘅海俊杰話:「呢個係我入行廿幾年第一個勁歌嘅獎,我出道嗰陣攞過新人獎,之後冇再唱歌啦,加埋攞獎好難。」記者問到獎座得一個,兩人點分?佢表示每人擺一段時間,消毒之後先交到李施嬅手上。

李施嬅仲話:「八月中準備開拍《金宵大廈2》,呢排忙住準備,下個禮拜就要試造型。」,而佢出年1月返加拿大補拍網劇。

另一邊海俊杰就透露之後會拍攝TVB重頭劇《兒科醫生》,佢喺劇中已「升呢」擔任院長,同馬國明最多對手戲。

Like MisshkNews Facebook!不出门也能知天下事~

發佈回覆

你的電郵地址並不會被公開。