「TVB茄哩啡」入行十年,憑《愛回家之開心速遞》成功入屋

最近,憑TVB人氣處境劇《愛回家之開心速遞》人氣急升嘅「鐵面陳」王致狄,雖然喺劇中戲份唔多,只系飾演保安主管角色,但隨著劇集熱播都依然系成功入屋,認真恭喜恭喜!

喺劇中深受女士歡迎嘅王致狄,喺現實中同樣異性緣唔錯,絕對系筍盤!

呢排,王致狄接受媒體專訪,佢透露自己較早前到澳洲旅行,期間畀靚女搭訕求合照!佢笑言:「記得有一日去到其中一間酒莊,嗰度比較偏遠少華人去,突然間有兩位外籍女士過嚟同我影相,主動同我哋傾計,仲交換咗contact,都算系一個艷遇啦!」

現年35歲嘅王致狄,早年就讀于加拿大多倫多大學,并于2008年正式畢業于經濟系學士學位,所以佢可以講一口流利英文同廣東話。

2009年,王致狄回流返香港發展,并報名參加咗第二十三期無線藝員訓練班而入行。

轉眼喺TVB工作10年時間嘅佢,其實已經參演過近50部劇集,不過多數都系茄哩啡配角,所以一直未能獲觀眾關注。今次終於喺《愛回家之開心速遞》吐氣揚眉,都算系一個大進步。

王致狄飾演過嘅劇集有好多,包括《超能老豆》、《鐵馬戰車》、《一屋老友記》、《財神駕到》、《降魔的》、《踩過界》、《味想天開》、《跳躍生命線》、《大帥哥》、《三個女人一個因》以及正在熱播嘅《鐵探》。

雖然都系綠葉配角,但其實王致狄現實中對品酒略有研究,有意投資酒類生意,佢又坦言今次嘅澳洲之旅,令自己獲益良多。

佢表示:「今次系第一次去澳洲,亦都系第一次親身去到酒莊,真系大開眼界。我自己一向都鐘意試紅酒、白酒,因為可以放松心情。而自己都希望以后有機會做一啲同酒有關嘅小生意,所以呢次算系順便取經。」期待王致狄可以繼續為我哋帶嚟更精彩嘅作品!

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *