「TVB視后」升呢做大姑媽,曬抱BB相母愛滿滿

呢排受疫情影響,各行業都受到影響,唔少藝人工作遭到臨時取消或者押后,收入自然大受影響。除咗打工仔之外,現階段相信大部分人都會留喺屋企少出街。

呢天「TVB視后」胡定欣喺社交平臺曬出抱住BB嘅相,感受一種母愛滿瀉嘅感覺,原來胡定欣升呢做大姑媽。

胡定欣仲留言:「呢段時間冇工作、冇收入,我真係好難得先揾到一份兼職嘅“陪月”工作,不過呢份工真係無薪,凈係得付出無限耐性同愛心。恭喜胡家又多一個新成員,恭喜細佬弟婦,祝胡寶寶身體健康,肥肥白白,快高長大。」

其實胡定欣的確好耐都冇拍劇,佢最近一套電視劇已經係舊年7月份播出嘅《包青天風云再起》,根據資料顯示呢部劇係喺2018年5月拍攝完畢嘅。

而胡定欣喺舊年出席《包青天風云再起》劇宣傳活動嘅時候,指自己原定有一套劇喺六七月份開拍,但呢排收到通知畀取消,或者佢哋想將劇本處理更加好,或者將來會拍。

對于已有兩年時間未獲TVB安排拍劇,有傳聞胡定欣未獲續約而且有意離巢,都有傳聞佢想簽約拍電影等等,但胡定欣都否認。

胡定欣指自己同TVB仲有一段時間嘅合約,而家都有洽談合作事宜,自己都開始計劃未來方向,加埋宜家市道唔好,要好好三思過好自己生活。

胡定欣表示前幾年好勤力,不眠不休地做嘢同登臺唱歌儲咗一啲積蓄,所以即使冇工作,經濟壓力唔係好大。

Like MisshkNews Facebook!不出门也能知天下事~

發表回覆

你的電郵地址並不會被公開。