「TVB視后」客串做女護士,只為同馬國明箍煲

呢排,TVB深宵時段重播劇集《OnCall36小時II》,一部圍繞醫生救人嘅劇集,呢部劇當年捧紅咗唔少新人,當年劇集大受歡迎,無論係第一輯定第二輯都獲得網民高度關注。

有眼利嘅網民就發現「TVB視后」胡定欣驚現《On Call 36小時II》,見到胡定欣着上手術袍,戴上口罩,僅露出雙眼,出場得6秒而且全程冇對白。

至於身為「TVB視后」嘅胡定欣點解會客串做臨時演員,當時就有兩種講法。第一:因為當時佢哋啱分手,有傳胡定欣為咗同馬國明箍煲,經常到劇組探班,更主動提出客串劇集,甘愿為對方做臨時演員。

第二:《OnCall 36小時》拍攝嘅時候,胡定欣亦啱啱喺隔籬拍劇,而《OnCall 36小時》監制潘嘉德係佢老友,所以胡定欣一得閑過去探班。

胡定欣曾經講過因為自己貪玩,所以客串角色,事前唔知會有咁明顯嘅鏡頭,更加冇諗過單憑對眼就畀觀眾認出。

講到胡定欣,佢已經有兩年時間未獲TVB安排拍劇,有傳聞胡定欣未獲續約而且有意離巢,都有傳聞佢想簽約拍電影等等,但胡定欣都否認。

胡定欣指自己同TVB仲有一段時間嘅合約,而家都有洽談合作事宜,自己都開始計劃未來方向,加埋宜家市道唔好,要好好三思過好自己生活。

胡定欣表示前幾年好勤力,不眠不休地做嘢同登臺唱歌儲咗一啲積蓄,所以即使冇工作,經濟壓力唔係好大。

唔理點樣,梗係希望胡定欣可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。