「TVB視帝」自曝啱啱入行連名都冇,更曾經做過地盤工人

以《城寨英雄》為班底嘅TVB新劇《超能使者》已經開拍多時,「TVB視帝」陳展鵬呢次搭檔劉佩玥飾演恩愛夫妻,據佢哋透露將會有唔少床邊戲份。

呢排,其中有一場戲講到陳展鵬兼職做臨時演員,本來係要扮死尸,但係佢就訓著咗,畀飾演臨時演員領班嘅唐詩詠爆鬧。

面對前來探班嘅記者,陳展鵬就講到,因為呢場戲讓自己諗起咗當年啱啱入行連名都冇,拍完劇之後,都係用「嗰個」嚟稱呼自己,更離譜有次係拍完瞓覺嘅戲份,都冇人提醒自己起身。

當年陳展鵬中五畢業之後就加入TVB藝員培訓班,入行之後多數做茄喱啡為主。1996年喺電影《怒火街頭》中飾演陳小春細佬。

後來,陳展鵬受到著名音樂人蘇德華嘅賞識,簽約寶麗金唱片公司,出過4首歌。當佢為咗做歌手,主動放棄咗TVB嘅好多演出機會,仲用自己嘅儲蓄投資買衫,請形象設計師。

可惜,寶麗金畀環球收購之後,陳展鵬就畀唱片公司解約,歌手夢碎,嗰陣時陳展鵬幾乎冇收入,唯有到地盤做工人做兼職,一日只可以賺到350蚊。

就噉樣打散工一直持續咗半年,半年之後陳展鵬因為腳傷而選擇咗炒老細魷魚,之後陳展鵬嚟到大陸拍劇,仲同冼灝英師傅學過功夫。

陳展鵬曾經講過,呢段日子係佢人生中最難捱嘅時期,覺得自己一無所有,呢段時間自己真係好迷失,拎住一個箱行嚟行去。

直到2002年,陳展鵬加入亞視,2004年擔正主演咗經典電視劇《愛在有情天》,并喺2008年重返TVB,重返TVB就意味著一切都要從零開始,繼續由茄喱啡開始做起。

經過咗好多年演技嘅沉淀,陳展鵬終于喺2016年憑借《城寨英雄》中嘅「拳佬」呢個角色勇奪TVB視帝。

唔理點樣,期待陳展鵬喺《超能使者》可以繼續畀我哋帶嚟多啲更精彩噶演出,希望佢喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。