「TVB視帝」諗住今年結婚,準備喺臺慶同女友求婚

日前,46歲嘅「TVB視帝」馬國明同細13歲「TVB小花」嘅湯洛雯畀記者影到拍拖,之後佢哋就喺社交傳媒公佈戀情,好友同網民紛紛送上祝福。

尋日,有報道指一名自稱係臨時演員爆料,指自己無意中聽到馬國明想學好兄弟蕭正楠一樣,準備喺臺慶同女友求婚。
對此,湯洛雯回應傳媒自己知道之後都好驚訝,「絕對冇呢件事,我哋兩個都唔係咁嘅人,唔會啦!我哋都係啱啱開始宣佈拍拖,點可能咁快結婚。」

馬國明為TVB劇集《BB大晒》開工嗰陣都否認,記者問到結婚計劃?佢話:「真係冇咁快,我哋兩個冇傾過呢個話題,如果有好消息會第一時間公佈出來。」

對于公開戀情得到全城祝福,馬國明笑指冇諗過大家咁反應大,傾到湯洛雯細數佢5大優點,馬國明笑著講:「多謝佢!」,問到戀情得到全城關注有冇壓力?佢表示:「冇,一切正常,當初要講出嚟,係唔想有壓力。」

至於當日舊愛黃心穎背住佢搭上人夫許志安,單嘢發生之後安仔一直停工,直至尋晚終於復出錄影ViuTV音樂節目,馬國明都大方送祝福,佢指單嘢已經過咗咁耐,大家都要向前睇,希望佢無事。

已經原諒咗安仔?馬國明坦言從來冇嬲佢哋,「呢件事發生之後,好快就唔嬲,希望安仔復出可以有個新開始,心穎都有個新開始,希望心穎都揾到另一半」。

Like MisshkNews Facebook!不出门也能知天下事~

發佈回覆

你的電郵地址並不會被公開。