「TVB視帝」馬國明一路好少活躍喺社交平臺，佢曾經喺2018年10月先開設微博帳號同粉絲互動，直至尋晚馬國明終于開啟咗Instagram賬號。
馬國明仲曬出一張喺鏡前撥弄頭髮嘅型仔相，佢留言話：「新開始……我係馬國明。」
令唔少網民驚喜嘅係，馬國明一日內就吸引咗4萬粉絲追跡，認真犀利，有指身為唐老鴨忠實粉絲嘅馬國明，特別揀喺尋日開IG賀唐老鴨生日。
不過馬國明就追跡咗25個IG帳號，除咗「馬國明官方國際影迷會」之外，其他全部都係圈中好友，包括「鐵馬家族」成員鄭嘉穎、唐詩詠、林子善、黃嘉樂之外。
仲有《降魔的》拍檔胡鴻鈞、黃智雯、何遠東，其他藝人包括佘詩曼、黎諾懿、岑麗香同舊愛胡定欣等人，不過就未見佢追跡黃心穎。
事後，馬國明接受電話訪問嘅時候，佢笑指自己冇諗過開設IG會有咁多人followers，佢話：「其實我唔知道3.5萬人算唔算多？都係啱啱開。」，馬國明又話之前遲遲未有開設，係因為擔心冇時間更新。
至於點解未有追跡黃心穎？馬國明就解釋話：「我乜朋友都會follow，有好多朋友仲未搵到，依家慢慢搵，有啲帳號又唔知係真定假，又要肯定係真人先夠膽follow，所有朋友有機會都會追蹤。」
Like MisshkNews Facebook！不出门也能知天下事～
