「TVB視後」性感大解放，超索漁網裝上陣

TVB熱播劇集《殺手》尋晚，講到「TVB視後」李佳芯畀陳豪英雄救美之後，李佳芯發現陳豪係職業殺手之後好驚，而且陳豪要求李佳芯做餌為佢引出獵物出現。

李佳芯由師奶打扮搖身一變變成性感尤物，以粉紅色頭髮、Bra Top襯魚網衫、熱褲招搖上陣引獵物，最後佢哋成功完成任務。

另一邊，黎耀祥應承協助龔嘉欣行動，打扮到骨妹嘅龔嘉欣準備出手嗰陣卻畀黎耀祥阻止，龔嘉欣嬲爆到想殺死黎耀祥，黎耀祥就解釋喺桑拿室落手，即使事成都好難走甩，勸佢要等待好時機先出手。