「TVB視後」畀TVB雪藏多時，而家有望解凍

由黎耀祥、陳豪、李佳芯、龔嘉欣、江美儀同高海寧等人主演嘅新劇《殺手》，準備喺6月29日接棒《飛虎之雷霆極戰》出街，而《殺手》嘅出街亦意味住「TVB視後」李佳芯解凍出雪柜。

陣容鼎盛嘅《殺手》以職業殺手做故仔背景，而《殺手》嘅預告片呢排亦相繼曝光，有滄桑食煙嘅黎耀祥、陳豪以一敵三、李佳芯瞄準目標試槍、江美儀一身小醜女Harley Quinn打扮，令人好期待。

舊年，一直有傳因為李佳芯喺社交平臺嘅言論而畀TVB雪藏，儘管事後佢都有澄清，但都無濟于事，導致佢所有嘅劇集同埋廣告都畀抽起。

無獨有偶，李佳芯同黎耀祥、陳豪兩大視帝合作拍攝、2018年尾已拍攝完嘅《殺手》，亦遲遲未能出街，難免令人覺得問題出喺「雪藏」李佳芯身上。

日前，黎耀祥曾經透露《殺手》一直未能出街，皆因賣咗版權畀大陸平臺，要同大陸方面夾期同步播放所致。

無論點楊，直到呢排TVB先決定安排《殺手》一劇接棒《飛虎之雷霆極戰》，喺6月29日晚9點半檔期出街，換言之有理由相信，李佳芯有望畀解封喇。