「TVB視後」自爆初戀經歷,佢好靚仔而且好似……

正在熱播嘅《解決師》故事主要圍繞學校發生,「TVB視後」唐詩詠喺劇中飾演靚女老師Jovy,而日前佢受邀去《兄弟幫》做節目嘉賓,亦分享咗自己喺學生時期嘅初戀回憶。

唐詩詠自爆中一到中四都係「箍牙妹」,因為有兩隻爆牙,媽咪勒令佢一定要箍牙,令佢欠缺自信,面對心儀嘅師兄,只敢遠遠觀望對方打籃球。

不過聽嘅媽咪話系啱,箍完牙即刻靚曬,即刻有師兄追求,過程仲要相當浪漫!

對方原來同唐詩詠住同一區,每日搭同一架小巴返學,趁佢喺圖書館溫書嗰陣,托人送張字條約佢出街。

之後兩個人開始拍拖,直到有一年情人節,對方送鑽石戒指畀自己,此舉嚇親唐詩詠,佢拒絕收下禮物兼分手。

唐詩詠多次強調初戀男友好靚仔,早幾年重遇對方,大贊對方Keep得好好。問到外貌時,唐詩詠竟然話好似阿Bob。

不過唐詩詠歷任男友都唔係典型靚仔。

 

Like MisshkNews Facebook!不出门也能知天下事~

發佈回覆

你的電郵地址並不會被公開。