「TVB貼地女神」戙高腳歎啤酒,無懼形象崩壞

「TVB貼地女神」張曦雯(Kelly)係唔少網民嘅夢中女神,不過佢向來男仔頭,率性之餘又鐘意打機,所以同唔少圈中男藝人打成一片。

呢日張曦雯就喺社交平台曬出去嘆串燒嘅相,見到佢非常麻甩,戙高隻腳嘆啤酒同串燒,無懼形象崩壞。

不過好多網民都話張曦雯夠貼地,又話佢嘆啤酒嗰陣個樣夠曬Cute,話希望第日可以有機會同佢飲番杯添!

講到張曦雯,其實佢喺2011年開始行選美路,喺2011年芝加哥華商會親善小姐比賽上勇奪冠軍同「最上鏡小姐」。

張曦雯喺2012年國際中華小姐比賽成為第一位奪冠嘅芝加哥佳麗,喺同年7月世界小姐競選多項單項賽中獲得排名,係25年嚟成績最好嘅香港代表。

由於張曦雯自細學移民芝加哥,畢業于伊利諾大學芝加哥分校企業管理系,所以講得一口流利英文,加入TVB之後成為明珠臺《Pearl Tonight》主持。

由於張曦雯做主持笑容好、口齒伶俐,因此而畀TVB高層賞識,獲邀請拍攝2016年處女作《律政強人》飾演律師,網民反應都偏向正面,「表現以新人嚟講已經好出色!」。

當年張曦雯憑《3日2夜》成為唔少男士心目中嘅女神,獲封新一代「TVB宅男女神」。

唔理點樣,梗係希望張曦雯可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。