一年一度嘅香港小姐選舉即將喺本星期日晚舉行決賽。時間過得好快，話曬舊年港姐搞出嚟嘅“大龍鳳”，仍然畀人記憶猶新……
舊年嘅港姐競選就快變成TVB直播平臺嘅“產品推介會”，港姐都要學網紅玩直播，連決賽現場都畀該平臺嘅吉祥物“大明猩”搶咗風頭。
”鬼妹仔“雷莊兒奪冠一石激起千層浪，毒舌網友攞景佢長相十分“東南亞”。
最新進展系，雷莊兒本人喺今年五月就宣布唔會留TVB發展，卸任港姐后將返加拿大生活。
今年嘅港姐競選同樣唔讓人省心。從初選開始就是非多多。
今年最大嘅槽點當屬外景拍攝地方。從1987年開始，每年嘅港姐競選都有外景拍攝嘅環節，30年嚟幾乎環游咗全世界。
而2018年港姐，佢哋先系到西貢拍宣傳特輯——唔系越南西貢，而系香港西貢。
跟住又拉大隊坐船過澳門，喺澳門漁人碼頭進行拍攝。
呢張系酒店門口拍嘅、全員雪紡碎花裙嘅大合照，好有旅行團風格！
今年出外景連飛機都唔使坐，可謂系港姐史上最省事嘅一次外景攝影。
不過，TVB高層就否認今年港姐削減咗經費。余詠珊表示今年嘅使費甚至比往年高，而無線非戲劇分部經理暨節目監制何小慧則透露，唔出外景系因為時間唔夠：今年港姐由7月頭開始進行初選，8月26號就要舉行總決賽，前后得一個半月嘅時間，的確好急急腳，“既然時間咁少，不如女仔們留喺香港，多啲時間訓練。唔出埠，唔等于佢哋質素唔好。”
的確，今屆港姐佳麗質素平均，多數符合亞洲人一慣審美，唔見上屆冠軍雷莊兒噉嘅西化面孔。
嚟睇下呢幾名熱門選手——
丁子田（7號）
7號丁子田長相大氣，喺一眾佳麗中十分亮眼。丁子田出身于富裕家庭，佢姑媽系資深演員丁主惠，參選港姐嘅提名人就系導演張堅庭。丁子田從定居芝加哥，畢業于密西根大學。今次佢專登喺美國回流香港，更因此與拍拖5年嘅男友分手。為咗選港姐，佢都好博啦。
何泳芍（14號）
14號何泳芍系一個潛水教練擁有一身小麥膚色，健康又陽光，喺呢班白白凈凈嘅佳麗中宛如一粒黑珍珠。呢幾次泳裝會見傳媒嘅活動，何泳芍都搶盡風頭。
陳苑澄（15號）
15號佳麗陳苑澄系前香港女團As One嘅人員，該女團于2015年喺韓國出道，但短短兩年就解散。陳苑澄參選港姐之后，人氣同關注度一直高企。
其他大熱包括：今屆最后生嘅佳麗——19號楊帆。佢嚟自內地，今年得20歲。
拔得頭籌獲得“友誼小姐”稱號嘅8號陳靜堯。
狄易達前女友、模特兒身材嘅17號陳曉華。
呢啲大熱佳麗，邊個又系你心水？
Like MisshkNews Facebook！不出门也能知天下事～
