【2018港姐】2號莊嘉慧全身生風癩:個樣好似畀水熱水淥親

《2018香港小姐競選》20個位候選佳麗今日(15日)去到銅鑼灣出席活動。2號莊嘉慧參選以嚟,接連發現意外,先系跌傷左膝要縫針,又喺打針之后又出現皮膚敏感搞到成身生滿風疹。今日著上大會安排嘅T恤短褲,莊嘉慧明顯風癩未好,除咗腳浮現淡紅色嘅疹之外,連頸部都唔例外。

講最初初發生自己皮膚出現狀況,莊嘉慧都坦言嚇餐飽:「我嗰陣時嘅情況,你哋系諗唔到幾恐怖。一開始系一啲,睇完醫生晚就發咗出嚟,好誇張,系成個樣好似畀水熱水淥親,而且塊面好嚴重。但醫生話好小事,叫我唔洗咁擔心,其實只要唔系永久性,時間可以恢復到,我都覺得OK。」

雖然風癩未愈,但莊嘉慧就唔擔心病情會影響比賽,佢坦言:「唔驚,因為我一個禮拜已經好好多,所以我相信決賽嘅嗰陣我已經好翻曬,所以我完全唔擔心會影響比賽。而且我依家精神同身體狀態都OK,所以唔會再缺席,會全力以赴比賽,我亦相信到決賽嗰晚我會100%好翻曬。」

本文轉載於香港01
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈回覆

你的電郵地址並不會被公開。