一代歌后梅艷芳58歲冥壽，眾星曬合照悼念

已故一代歌后梅艷芳（梅姐）尋日（10月10日）冥壽，如果梅姐在生嘅話，今日已經58歲啦，雖然梅姐已經離開咗我哋18年，不過一眾梅迷同好友都冇忘記佢！

今年除咗有梅艷芳自傳式嘅電影上畫之外，梁朝偉、江欣燕等人都有曬出同梅姐嘅合照悼念，可見梅姐依然活喺每個人心入面。

江欣燕曬出合照留言話：「你喺好短嘅時間做咗我哋十世人嘅事情。祝永遠嘅偶像梅姐，生日快樂。」

雖然嗰日依然掛住3號風球，但大批粉絲無懼風吹雨打，分別到九龍塘省善真堂嘅阿梅靈位、尖沙嘴星光大道嘅阿梅銅像，同山頂蠟像館嘅阿梅蠟像前，獻上鮮花、果籃、飲品、啊梅生前鐘意啲嘢食作悼念。

而唔少花圈上，插咗粉絲對梅姐嘅心意卡，寫滿對偶像嘅四年字句同祝福語，當中最多寫住「祝阿梅生日快樂」，一眾粉絲相當長情。