一班猛男幫前港姐慶祝生日,前度都有現身

過多幾日,就系藝人湯洛雯嘅32歲生日,而圈中人緣好嘅佢,呢排就得到唔少好友為佢慶祝生日,包括有溫家偉、黎國輝、周志文等一眾猛男就齊齊為佢慶生,真系萬綠叢中一點紅。

不過最驚喜嘅,就系前度羅天宇都有出席,而且睇到合照中一對昔日嘅情人打正對面坐,湯洛雯仲興奮舉V開心合照,唔知兩人有無機會愛火重燃呢?

話說之前,湯洛雯就同羅天宇一齊為TVB嘅旅行節目《3日2夜》到挪威拍攝外景,而喺節目拍攝期間,兩人曾經曬出幾張同角度嘅單獨相,唔少網民紛紛留言指兩個人相當合襯,希望佢哋可以早日復合。

當然事後,湯洛雯同羅天宇都有出面澄清表示雙方只系好友關系,而好似喺完成今次挪威之旅後,兩個人都冇「抄撻」跡象,唔理點樣,感情事仲系當事人最清楚,大家不妨畀啲空間佢哋,相信如果有好消息,佢哋一定會開心同大家宣布。

除咗獲得一眾猛男相伴慶生之外,一直對外宣稱單身嘅湯洛雯,尋日就同另外一班朋友提前慶生,身為壽星公女嘅佢,更加系打扮得相當吸睛,可以見到湯洛雯唔單止有花有蛋糕。

更加感恩有呢班好友一直陪伴身邊,唔知會唔會許愿希望可以早日覓得如意郎君呢?

1987年出世嘅湯洛雯,曾經喺倫敦留學主修心理學,直到喺2012年嘅時候,喺網上報名參加《香港小姐競選》,喺賽前畀視為大熱嘅佢,最后就冇緣進入到前三,不過都獲得咗「旅游大使獎」同「美麗升華大使」嘅獎項。

同大多數藝人一樣,湯洛雯喺選美結束之後就進入到TVB,期間佢都曾經參與拍攝過多部電視劇集,比如《愛回家》、《潮流教主》、《與諜同謀》、《燦爛的外母》、《翻生武林》、《再創世紀》等。

據悉,喺跟住落嚟嘅新劇《包青天再起風云》、《婚姻合伙人》、《機場特警》、《丫鬟大聯盟》中湯洛雯均有份演出,大家不妨一齊拭目以待!

發表回覆

你的電郵地址並不會被公開。 必要欄位標記為 *