一邊胸塞咗!30歲前TVB小花住院期間患乳腺炎

現年30歲前TVB小花林芊妤,較早前因為食飯啃魚骨緊急入院求醫,經過連日嚟嘅休養,情況已經好轉唔少。不過,尋日又爆出新問題,事關身為人母嘅林芊妤仍然處于哺乳期,雖然啃魚骨入院留醫,但仍然為家中愛子泵奶,結果搞到出現硬塊乳腺炎。

林芊妤發文表示:「話說尋晚2點幾痛醒咗,不過系胸部。有一邊完全塞咗,跟住就發燒又泵唔奶嚟,我真系未試過噉樣。我想系因為我全埋身,突然間轉泵,唔夠瞓又情緒差,跟住又瞓唔到,就咁樣唔停自己按呀推呀泵呀,之后瞓著又痛醒咗。」

據悉,乳腺炎系因為奶管阻塞引起,會覺得硬塊而且好痛、紅腫、發燒,或者覺得異常攰等,初期系無細菌感染,繼續喂哺人奶讓乳汁流通,系治療乳腺炎重要方法。

但相反,如果閘住喂哺人奶嘅話,奶管會繼續阻塞,就有機會細菌感染甚至形成膿瘡。而林芊妤今次嘅情況,估計系因為啃魚骨住院打咗麻醉藥,個仔未能貼身喂食所導致嘅。

其實,而家好多小朋友都系食奶粉長大,不過近年推崇人奶喂食更健康,始終人奶可以為BB提供無可取代嘅抗體,對BB更加好。所以,林芊妤一直以來都堅持喂哺人奶畀BB,而家仔仔差唔多半歲嘞,認真唔易。

有記者致電林芊妤慰問情況,受訪時佢坦言現時情況已經穩定落嚟,叫大家唔使咁擔心!佢話:「而家好好多啦,已經退咗燒,胸都冇咁腫痛啦,催乳師講喺我未嚴重到有膿,但胸部仲系會覺得比平時更加脹痛。之后,等麻醉藥過咗,勤力點畀個仔埋身,應該就冇事啦。」

由此可見,乳腺炎令母乳媽咪聞風喪膽,嚴重起來會有膿甚至要開刀,最慘系要為母乳之路畫上句號!希望林芊妤早日康復,早日返屋企與仔仔團聚,祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *