不敵歲月!90年代的五位女神都變成大媽?

80、90年代科技冇而家咁發達,修圖、PS呢啲后期加工的科技當年唔流行,女神們完全純天然,真系每一個都美到令人忍唔住多睇幾眼!想當年,要數最美的女神,邱淑貞和張敏一定榜上出名,仲有充滿仙氣的王祖賢和甜美可愛的袁潔瑩,廿幾年后,女神們過得點,系咪依然系美貌如初?

女神1:邱淑貞

邱淑貞后生嗰陣真系好美,佢當年喺1987年參選港姐,但后來畀爆出整容的消息,因忍受唔住輿論壓力最后默默退出,但呢都冇影響到佢星途發展,畀王晶發掘再接拍一系列的電影,包括有《赤裸羔羊》、《慈禧秘密生活》等唔少大尺度、錫士的演出,而奠定邱淑貞為當代的錫士艷星。

1999年,邱淑貞嫁咗畀商人沈嘉偉,而老公沈嘉偉的時裝生意,亦越嚟越大,一直開到上市,身家超過二十億。而邱淑貞嫁人后,亦冇再出現喺銀幕上,回歸低調的太太生活,為老公生下三個女,女神更曾講:

以前系錫士女神,而家系姓沈婦人。

唔少粉絲都大呼可惜,唔舍得女神要離開娛樂圈。

今年五十歲的邱淑貞已經鮮有出席公開活動和場合,所以每次現身,佢都會成為主角。唔少網友都大贊邱淑貞保養得好,冇大走樣,肌膚依然系無瑕,生咗三個女身材都冇大走樣,但亦有網友覺得邱淑貞身材臃腫,但仲系好靚。

女神2:王祖賢

要數80、90年代最火紅的女星,必定有王祖賢份,佢喺《倩女幽魂》中飾演聶小倩,美到讓人驚艷,更畀封為「史上最美女鬼」,仙氣滿滿的佢加埋好身材,令佢爆紅。臺灣出世的王祖賢眼神好似會放電,標誌的五官好上鏡,亦被唔少藝人大贊系最美的女星,從骨子度滲出嚟,那與生俱嚟的魅力,無人能及。

女神當然多人追,王祖賢喺1987年攝影電影《芳草碧蓮天》的時候,與歌手齊秦認識并拍拖,后來多次離離合合,最后都系無疾而終。王祖賢最后于2004年息影,定居溫哥華修佛。

今年51歲的王祖賢明顯女神光茫消減咗唔少,佢更曾被拍到猶如大媽般的身影同容貌,令粉絲大跌眼鏡。但其實近睇王祖賢,依然系保養得好好,佢就曾分享佢的凍齡秘訣系做運動,同每日起身后第一件事就系飲兩大杯暖水,有網民表示佢仍似少女般美麗,雖然亦有人指出王祖賢修圖修得有啲過火,理得佢呢,女神過得開心就好啦。

女神3:吳倩蓮

畢業于戲劇系的吳倩蓮有男神收割器之稱,當年好多火紅的男神都同佢合作而成為好朋友。1990年,佢同劉德華一齊拍《天若有情》,成為最強顏值的銀幕拍檔。呢位氣質滿滿的冰山美人,后來更同張國榮、梁朝偉、周潤發、黎明等知名演員合作,演出多套經典作品。

五官骨致,雙眼小小的,加埋車厘子小嘴,成為唔少男士心中的女神。更有傳媒指佢有一股氣質,就好似出于污泥而不染的白蓮花,加埋楚楚可憐的眼神,令佢人氣更好。

2004年,36歲吳倩蓮喺朋友介紹下認識咗而家的老公,同佢拍咗3年拖,二人喺美國拉斯維加斯低調注冊結婚,后來生咗個仔,45歲的佢都開始淡出娛樂圈,專心照顧家庭。較早時畀拍下佢同屋企人一齊出街食飯,明顯女神樸素咗好多,一切回歸簡簡單單。

女神4:袁潔瑩

當年袁潔瑩喺街頭同男友嗌交時,畀黃百鳴發掘,未滿16歲就出道,組成「開心少女組」,個樣甜美的佢后尾拍攝多套電視劇,多以反叛少女形象同俠女形象出現,受到后生一代歡迎。雖然袁潔瑩樣貌唔算好弗,但系眼大大,又有D哋嬰兒肥,佢的演出都廣受好評。

后尾袁潔瑩喺1994年患上厭食癥,令佢要放低事業,2000年之后,袁潔瑩逐漸少幕前演出。較早前袁潔瑩49歲生日,一眾女神包括李若彤、張慧儀、葉薀儀、陳慧珊等都現身為好友慶生,女神們都年屆四十歲,保養得宜,精神亦好好,袁潔瑩一啲都唔似快將五十歲,皮膚似會發光般的。

女神5:張敏

張敏系與周星馳合作最多的女主角之一,《賭圣》的綺夢、《逃學威龍》的女老師Miss Ho,多套經典作品,令粉絲都大呼系回憶啊!當年的張敏人氣好高,加埋好索的外表同成為周星馳最愛用的演員后,系唔少觀眾心中不可抹去的女神。

1995年,張敏拍完電影《十兄弟》之后就慢慢淡出娛樂圈,然后進軍商界,做服裝美容等生意,后來畀游說復出接拍電視劇,2003年又全面復出,但接拍數套劇集同廣告之后,再次慢慢退出娛樂圈。

48歲的張敏依然系保養得好好,佢開通咗微博之后,不時會發布自拍照,剪咗短發的佢,唔似以前般有女人味,但五官依然系好睇,皮膚都好滑捋捋,冇半點皺紋,變咗一位堅強的女強人。

撰稿:anna
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈回覆

你的電郵地址並不會被公開。