人細鬼大!前港姐3歲囡囡偷用名牌包襯鞋,仲獨自一人擺甫士

前港姐陳茵媺同TVB視帝陳豪3歲愛女Camilla愈大愈靚女,仲似足媽咪鐘意扮靚靚,但今次唔係單純嘅公主Look造型,而係扮高級版公主!

陳茵媺上載女女嘅相,見到Camilla著上印有茉莉公主嘅紗裙,擺出丁字腳,但重點係喺手袋同對鞋上,都係粉紅色襯到絕,而且仲係名牌,自細就咁有眼光!

陳茵媺就大爆Camilla偷咗佢一個手袋,因為同對鞋好襯,粉紅色襯粉紅色,金扣帶襯金扣帶,之後仲要獨自一個人擺甫士,再主動叫影相!

真係有其母使有其女?不過陳茵媺就話唔知個女喺邊到學嘅!

發表回覆

你的電郵地址並不會被公開。 必要欄位標記為 *