佢係吳鎮宇嘅最索前度,而家51歲身材火辣可以走维密骚!

九十年代TVB經典處境喜劇《卡拉屋企》,最近喺翡翠臺深宵時段重播,呢套喺1991年首播嘅經典劇集,係唔少香港人嘅集體回憶。

較早前劇集一眾演員包括吳鎮宇、楚原先、鄭敬基、黎海珊等人齊齊為「肥媽」盧宛茵慶祝66歲生日,雖然當年有份演出嘅李婉華未有出席,但信觀眾對佢都印象深刻。

當年仲就讀演藝學院嘅時候,李婉華就畀TVB監制鄒世孝發掘,喺實況劇《天台的月光》中擔任女主角,飾演一個喺外國返香港嘅留學生,佢憑藉亮眼嘅外型同出色嘅表現成功獲得關注,更加簽約TVB開始演藝生涯。

雖然李婉華喺TVB得短短5年時間,但一直工作不斷,主演嘅劇集都大受歡迎,當中《公私三文治》同《卡拉屋企》最為人熟悉。

李婉華更與拍檔吳鎮宇日久生情,喺1989年相戀,可惜兩人拍拖八年,最後分手收科。

之後李婉華喺拍攝亞視劇集《馬永貞》,戀上拍檔何家勁,但仲係未能開花結果。

2001年李婉華與加拿大籍股票經紀李守正拍拖,于2003年喺加拿大拉埋天窗,之後淡出演藝圈,喺溫哥華定居,并育有一個女同一對孖仔。

李婉華誕下大女後,喺加拿大中文電臺開咪做節目主持,身為美魔女嘅李婉華,舊年去墨西哥旅行嘅時候,仲換上多套泳衣,大展Fit爆身形,好錫士!

由當家花旦到相夫教子,李婉華嘅人生越過越精彩,但以家為重嘅佢暫唔考慮復出,觀眾而家可以再喺《卡拉屋企》中回味佢嘅演出,相信都係一大樂事。

Like MisshkNews Facebook!不出门也能知天下事~

發佈回覆

你的電郵地址並不會被公開。