兩大「TVB視帝」合拍新劇集,陣容相當強大!

「收視福將」歐陽震華繼2017年拍攝《誇世代》同喺今年為《愛回家之開心速遞》客串兩集之後,終于又翻TVB拍攝重頭劇《伙記辦大事》!

劇中演員除咗有老拍檔萬綺雯之外,仲有TVB視帝馬德鐘、楊明同陳瀅等人,咁強大嘅演員陣容,日前竟然冇公開舉行新劇試造型嘅記者招待會,反而秘密噉進行……

以TVB一向嘅作風,按照呢個陣容加埋係重頭劇,肯定會鋪天蓋地起勢宣傳。但係今次竟然選擇靜英英舉行新劇試造型,凈係自己人TVB娛樂新聞臺有份到場,全因為一個敏感原因!

據知情人士爆料,30集嘅警匪劇《伙記辦大事》原本係《鐵馬戰車》嘅續集,劇情會繼續以香港交通警察為題材,為觀眾呈現身為交通警察神圣嘅職責!

馬德鐘會飾演為社團服務嘅律師、歐陽震華就會飾演警司、張國強飾演總警司、萬綺雯係便裝警司同馬蹄露飾演督察,但鑒于警民關係變得緊張,因此決定改劇名。

知情人士更透露原本所有劇中嘅造型,已經喺今年4月已經完成,但基于以上原因嘅一直拖延到而家先試造型。因為劇集涉及好多警察元素,所以唔打算舉行記者招待會。

另外,馬德鐘曾經喺訪問中透露10月份開嘅新劇,如無意外劇組會先拍攝廠景,而以制服上陣嘅外景戲份就等到12月先攝影。

Like MisshkNews Facebook!不出门也能知天下事~

發表回覆

你的電郵地址並不會被公開。