前「TVB小生」延續愛心收養狗仔，希望可以救一隻係一隻

前「TVB小生」黃宗澤（Bosco）較早時痛失愛犬，當時佢喺社交平臺留言∶”爸爸就送到你呢度，下世再見，多謝你陪我咁多年！I miss you always！”。

日前黃宗澤到大樹下善待動物庇護站探訪，除咗捐款興建貓舍之外，愛狗嘅佢仲喺機緣下收養咗狗仔Kasha。事緣黃宗澤當日喺狗場內同每一隻狗玩嗰陣，發現同其中一隻沙皮狗仔特別投緣，於是決定帶佢返屋企。

據了解，黃宗澤目前有三隻狗，其中兩隻都係最近先領養返屋企嘅，佢希望大家都好似佢一樣，以領養代替購買寵物，可以救一隻係一隻。