資深藝人苑瓊丹呢排幫朋友嘅凍肉直銷網站宣傳，搵嚟前「TVB小生」鄧兆尊幫手拍視頻，佢仲帶「三奶」陳小姐現身，即場畀苑瓊丹攪笑大逼供。
苑瓊丹笑兆尊鐘意食豬扒，鄧兆尊即頂頸話：「生活方面我鐘意食靚嘅豬扒，最靚嘅豬扒擺喺屋企，不過食材方面，我其實最鐘意食牛扒。」
鄧兆尊仲傾到畀「三奶」陳小姐俘虜嘅方法，佢好認同鎖住男人嘅心，首先鎖住男人嘅胃。
苑瓊丹追問鄧兆尊係唔係一個女朋友一個屋企？鄧兆尊笑住話：「梗係啦，如果唔係嘅話，要火燭啦，邊個煮飯煮得好，我就返邊個嘅屋企。以前後生仔係饑不擇食，而家只會選好嘢食，身體健康，最緊要。」
Like MisshkNews Facebook！不出门也能知天下事～
