前「TVB小花」有女萬事足,富貴逼人派利是

前「TVB小花」楊秀惠呢幾年轉型做商人,雖然佢下嫁有米老公葉世揚,但未有安心做少奶奶,更一手一腳創立屬於自己嘅美容王國,每年營業額過千萬。

作為老闆嘅楊秀惠,悉心打扮返公司派開工利是慰勞員工,見到佢富貴逼人、行頭十足,出入更有司機接送,完全凸顯出貴氣老板嘅一面!

咁都未夠,呢排楊秀惠經常喺社交平台大曬新年布置,見到佢屋企用云石鋪墻,一睇就知價值不菲,飯枱大到可以放落9個餸!

講到楊秀惠,其實佢喺馬來西亞出世,喺2003年報名參加馬來西亞華裔小姐競選,憑借高挑嘅身材同甜美嘅長相,獲得咗當年比賽嘅冠軍。

楊秀惠喺2004年代表馬來西亞嚟到香港,參加國際華裔小姐選美比賽,雖然落選華姐,但最終楊秀惠仲係獲得咗TVB高層嘅賞識,簽約TVB留喺香港發展演藝事業。

楊秀惠加TVB初期,其實佢備受TVB力捧,仲參演咗偶像劇《赤沙印記@四葉草》嘅拍攝,喺劇中擔任女主角,但之後隨著新人嘅沖擊,楊秀惠喺TVB嘅地位都越嚟越靠後,因此事業也一度遇到樽頸期。

由于身材高挑,長相嫵媚,因此楊秀惠經常畀安排喺各大劇集中客串飾演狐貍精、情人嘅角色,而呢啲千篇一律嘅角色也讓楊秀惠嘅演藝事業一直停滯不前。

雖然楊秀惠喺TVB做咗十幾年茄哩啡,演藝事業并冇咩突破,但佢喺舊年收獲咗甜美嘅愛情,同圈外男友秘密結婚。

楊秀惠自從喺舊年同圈外男友秘密結婚之後,隱身大半年,原來佢喺馬拉西亞秘密休養,日前突然宣佈囡囡出世。

據悉,楊秀惠自認喺TVB演出機會唔係好多,加埋最近又生咗囡囡,所以佢決定合約冇到期選擇賠錢走人,正式宣佈離巢,所以《十八年後的終極告白》都係楊秀惠喺TVB嘅告別作。

對于楊秀惠嘅離巢,MissHk覺得好可惜,但唔理點樣,仲係尊重佢嘅決定,最后祝福楊秀惠嘅囡囡健康成長,都希望佢一切都好!

Like MisshkNews Facebook!不出门也能知天下事~

發佈回覆

你的電郵地址並不會被公開。