前「TVB小花」有女萬事足,生日派對曬母女裝

前「TVB小花」楊秀惠喺今年4月份宣布秘密生囡,同時喺5月份嘅時候楊秀惠宣佈離開巢,離開TVB之後嘅楊秀惠長居大馬,同屋企人一齊陪住囡囡,一家人享受天倫之樂。

而尋日(7月20)係楊秀惠36歲嘅生日,生日梗係要好好慶祝一番啦,所以喺呢日楊秀惠親自喺戶外布置生日party。

而作為楊秀惠好姊妹嘅林宣妤,梗係要專登飛去馬來西亞為楊秀惠慶祝生日,睇得出佢哋嘅友情好深厚。

而好姊妹岑杏賢就因為疫情關係,冇辦法飛去現場為楊秀惠慶祝生日,所以佢用視頻嘅方法為楊秀惠送上生日祝福。

與此同時楊秀惠仲分享咗一張手抱住囡囡嘅相,見到楊秀惠滿臉幸福地望住個女,兼夾露出甜甜笑容,真係隔著屏幕都覺得幸福。

講到楊秀惠,其實佢喺馬來西亞出世,喺2003年報名參加馬來西亞華裔小姐競選,憑借高挑嘅身材同甜美嘅長相,獲得咗當年比賽嘅冠軍。

楊秀惠喺2004年代表馬來西亞嚟到香港,參加國際華裔小姐選美比賽,雖然落選華姐,但最終楊秀惠仲係獲得咗TVB高層嘅賞識,簽約TVB留喺香港發展演藝事業。

楊秀惠加TVB初期,其實佢備受TVB力捧,仲參演咗偶像劇《赤沙印記@四葉草》嘅拍攝,喺劇中擔任女主角,但之後隨著新人嘅沖擊,楊秀惠喺TVB嘅地位都越嚟越靠後,因此事業也一度遇到樽頸期。

由于身材高挑,長相嫵媚,因此楊秀惠經常畀安排喺各大劇集中客串飾演狐貍精、情人嘅角色,而呢啲千篇一律嘅角色也讓楊秀惠嘅演藝事業一直停滯不前。

雖然楊秀惠喺TVB做咗十幾年茄哩啡,演藝事業并冇咩突破,但佢喺舊年收獲咗甜美嘅愛情,同圈外男友秘密結婚。

楊秀惠自從喺舊年同圈外男友秘密結婚之後,隱身大半年,原來佢喺馬拉西亞秘密休養,日前突然宣佈囡囡出世。

據悉,楊秀惠自認喺TVB演出機會唔係好多,加埋最近又生咗囡囡,所以佢決定合約冇到期選擇賠錢走人,正式宣佈離巢,所以《十八年後的終極告白》都係楊秀惠喺TVB嘅告別作。

對于楊秀惠嘅離巢,MissHk覺得好可惜,但唔理點樣,仲係尊重佢嘅決定,最后祝福楊秀惠嘅囡囡健康成長,都希望佢一切都好!

Like MisshkNews Facebook!不出门也能知天下事~

發佈回覆

你的電郵地址並不會被公開。