前「TVB小花」榮升做媽咪,曾因廣東話唔好未受重視

前「TVB小花」朱璇喺2018年嫁比大陸富二代老公Vincent,兩個人喺比利時舉行豪華婚禮,朱璇結婚之後以家為重,而家已經移民到美國過住少奶奶生活,得閑仲喺社交平臺曬出旅行靚相,生活睇落好悠閑。

朱璇舊年圣誕節宣佈懷有身孕,今日發現原來佢小朋友已經出世,日前佢喺社交平臺曬出BB嘅得意相,BB眼仔大大笑得好開心。

朱璇仲留言話:「我的愛」,佢仲透露而家喺洛杉磯,唔少網民猜測BB係男仔,紛紛留言話:「媽咪嘅小情人」、「對眼好似媽咪」、「好似混血寶寶」等等,不過朱璇就未有透露寶寶性別。

朱璇曾經係選美常勝將軍,2007年攞落咗法國華裔小姐、歐洲華裔小姐嘅冠軍,2008年又再下一城奪得國際中華小姐以及青春小姐雙料冠軍。

現年33歲嘅朱璇,16歲就到法國巴黎讀書,喺演藝學校修讀戲劇表演,喺2010年憑借電影《淚王子》入圍香港電影金像獎以及亞洲電影大獎最佳新演員。

雖然朱璇係好戲之人,但佢加盟TVB之後,演出嘅角色發揮機會唔好大,多數飾演配角為主,佢演出過《女警愛作戰》、《沖上云霄2》、《仁心解碼2》、《張保仔》、《好心作怪》等劇集。

不過相信最經典演出應該係喺2013年嘅《情越海岸線》,朱璇扮演人妖色誘張國強一幕,呢一幕更一度成為網上討論熱話。

有傳朱璇唔受TVB力捧原因係講廣東話唔標準,所以入行多年始終未畀重視過,甚至佢喺TVB最後一部劇《為食神探》都僅出現一兩個鏡頭,角色徹底淪為茄哩啡。

唔理點樣,宜家見到朱璇同富二代老公一家三口咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。