前「TVB小花」轉型做KOL,月入6位數養起全家

前「TVB小花」陳琪胡諾言結婚十年,婚後專心做胡太照顧兩女一子頭頭是道,保養得宜嘅陳琪外貌完全睇唔出已經44歲,真係好似食咗防腐劑。

2017年拍攝完《宮心計之深宮計》離巢TVB外闖嘅陳琪,離開係為尋求多啲機會,加埋已經係兩女一子之母,要留多啲時間照顧家庭,陳琪最終選擇放棄幕前轉做KOL。

據知情者透露:陳琪喺TVB拍劇雖然工作量唔算太多,但始終時間緊湊,好難事業同家庭平衡,陳琪見近年KOL有出路,直接就喺屋企玩起直播同照顧小朋友。

凍齡有方加埋持家有道,同老公胡諾言又形象健康,實屬師奶殺手。

現時已經成為網絡紅人嘅陳琪,keep住幸福師奶形象,獲唔少品牌垂青,每個月收入超過六位數字,賺錢隨時多過老公。

胡諾言喺TVB一直平平無奇,有時做主持人、茄喱啡,賺錢唔多,又唔係TVB親生仔。

陳琪就以貼地師奶,成功跑贏闊太嘅葉翠翠,將美容、健康產品到生活大百貨一網打盡!成為親子界賺錢王。

發表回覆

你的電郵地址並不會被公開。 必要欄位標記為 *