前「TVB小花」開心為大女慶祝10歲生日,曾被指捱唔到2歲

前「TVB小花」鐘麗淇同中意混血老公育有兩女,大女Isabella患有罕見基因病「四號染色體缺損綜合症」,四肢無力、唔識行路同自理,曾經被醫生診斷挨唔到2歲。

鐘麗淇一直冇放棄,Isabella喺爸爸媽媽悉心照顧之下,5歲嗰陣開始學行路,舊年更成功自行扶著鐵架行走,仲入讀到心儀嘅特殊學校。

日前係鐘麗淇大女嘅10歲生日,成家人喺屋企開派對為佢慶祝,鐘麗淇同老公Nardone、細女Michela,陪住大女Isabella切蛋糕。

鐘麗淇仲喺社交平臺同大家分享相片同片段,留言話∶「我Bella Isabella,10歲生日快樂!你嘅笑容同笑聲令我個心充滿愛心。美麗嘅一日!」

一班圈中好友汪詩詩、梁靖琪、吳雨霏、陳凱琳、盧淑儀等人都有送上祝福。

Like MisshkNews Facebook!不出门也能知天下事~

發佈回覆

你的電郵地址並不會被公開。