前「TVB新聞小花」宣布陀二胎,離巢做KOL月入40萬

講到TVB恩愛夫妻,前「TVB新聞小花」宋熙年陳智燊一定榜上出名,兩人結婚以后喺2018年生落仔仔Damon,日前兩公婆喺社交平臺宣佈陀二胎,仔仔Damon要做大佬喇,真係可喜可賀!

見到陳智燊曬出一張一家三口嘅相,見到佢更加係同仔仔一齊嘟嘟嘴,老婆宋熙年都有喺社交平臺曬相,仲用英文留言宣布自己陀第二胎。

陳智燊仲話:「我好好彩,我有一個完美嘅家庭,佢哋畀我力量,我會盡我所能保護佢哋,而家我哋有咗新嘅家庭成員,我哋要照顧好自己,照顧好彼此,祝即將做大佬Damon,感謝我可愛嘅老婆,之后我會帶你去個好地方。」

現年42歲嘅陳智燊,佢從細喺英國倫敦長大,佢喺2006年第7屆TVB藝員訓練班入行,由最早嘅明珠臺主持人到加入劇組,陳智燊入行多年,啱啱開始都係飾演有臺詞嘅配角。

到呢幾年陳智燊先開始有一啲比較多嘅戲份,到后尾慢慢擔當做男主角,可謂走上演藝事業發展嘅高峰期,不過年過40嘅陳智燊,佢喺2018年6月份離巢TVB。

老婆宋熙年都跟住喺上年7月嗰陣宣佈離巢TVB,宋熙年係喺2007年代表澳洲悉尼參加國際中華小姐競選,獲得冠軍之后加入TVB。

由於口才了得,入行初期就成為咗節目《東張西望》嘅主持之一,多年嚟宋熙年喺TVB主持過嘅節目超過30幾個,係TVB一線女主持人。

雖然陳智燊比宋熙年大八歲,但兩個人都有喺海外長大嘅經歷,有共同語言,兩個人離巢后轉行做KOL網紅,喺社交平臺分享產品、旅游趣事、食譜等等影片,有時接司儀工作,上演舞臺劇。

據悉,陳智燊、宋熙年兩公婆平均每個人月收入有15到20萬,合計共40萬左右,有時仲會同小朋友一齊出鏡,將一家三口嘅幸福生活展現喺網友面前。

missHk好鐘意陳智燊、宋熙年呢對夫妻,唔知二胎係男仔定係女仔呢?希望可以係女仔,噉就可以湊成一個“好”字,祝福BB順利出世。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *