前「TVB花旦」回巢拍劇,再同視帝飾演情侶仲會有吻戲

前「TVB花旦」林夏薇,喺2015年低調嫁大16歲嘅金融界富商Jason,兩個人當時就喺所居住嘅太平山頂超級豪宅內舉行婚宴,宴請雙方至親好友出席,所以当时好少人知道林夏薇結婚嘅消息。

后來,林夏薇為咗爭取多啲時間調養身體生B,於是喺舊年約滿後宣布離巢,畀自己一年嘅休息時間,一邊照顧家庭同兼顧家族生意打理。

之後喺今年6月份林夏薇宣布復出,加盟邵氏兄弟旗下繼續發展演藝事業。

今日,林夏薇現身銅鑼灣為出席健身中心嘅開幕活動,期間見佢到為配合主題特登著上運動外套,以性感運動風示人,好搶鏡。

傾到最近獲邀接拍TVB新劇《逆天奇案》,同TVB視帝陳展鵬再次合作兼再度合演情侶,問到今次喺新劇有冇吻戲?林夏薇直言有。

問到有傳呢部劇女主角原本決定係胡定欣,林夏薇就表示從未聽過噉樣嘅消息。

林夏薇話:「我主力係同陳展鵬拍拖啦,哈哈。」

唔理點樣,梗係希望林夏薇可以繼續畀我哋帶嚟多啲更精彩噶演出,期待佢嘅表演!

發表回覆

你的電郵地址並不會被公開。 必要欄位標記為 *