前「TVB花旦」大陸演藝事業愈做愈好,準備上央視跨年晚會

前「TVB花旦」胡杏兒自從將重心轉移大陸發展之后,演藝事業愈做愈好,單喺今年參加一檔綜藝節目《演員請就位》就已經令佢知名度急升。

呢排胡杏兒更獲邀上央視跨年晚會,其實胡杏兒已經唔係第一次上央視晚會活動,舊年佢已經犀利到獲邀擔任央視春節聯歡晚會粵港澳大灣區分會場嘅主持人。

今年再度登上央視咁大型嘅晚會,睇嚟肯定再會令胡杏兒紅遍大江南北。除此之外胡杏兒今年仲參加咗央視節目《衣尚中國》,向大家展示具有中國特色嘅服飾,同樣獲得大家好評。

另外,胡杏兒喺影視劇發展方面,今年接拍咗一部電影名為《宿敵》預計喺明年上映,而且佢仲有一套電視劇《末代廚娘》待播,相信出年曝光率相當充足。

講到胡杏兒,其實佢喺1999年參選香港小姐,并獲得香港小姐季軍同活力風采獎成為雙料香港小姐,同屆冠亞軍分別就係郭羨妮、原子穗。佢當選之後決定休學簽約TVB,發展其演藝事業。

2002年胡杏兒喺《流金歲月》中飾演弱智女仔「丁善茵」一角,而引起大眾關注以及人氣急升,并憑藉角色勇奪《萬千星輝賀臺慶頒獎典禮》「飛躍進步女藝員」獎以及提名「最喜愛的電視角色」。

同年年尾,胡杏兒首次擔任第一女主角,以清爽短發喺劇集《律政新人王》中飾演性格率直嘅「鐘清鈴」(LingLing),劇集收視高達37點。

胡杏兒再接再厲,喺2003年《沖上云霄》中飾演吳鎮宇女朋友蘇怡(Zoe),胡杏兒憑借Zoe呢個角色唔單止獲提名《萬千星輝賀臺慶頒獎典禮》「我最喜愛的電視角色」,更加喺粉絲心中留低深刻印象。

2005年,胡杏兒主演TVB五部劇集,令佢晉升一線花旦之列,連「阿姐」汪明荃都封胡杏兒為「劇霸」,認真好犀利。

胡杏兒同汪明荃喺劇集《我的野蠻奶奶》中上演婆媳大戰,佢憑借「田力」呢個角色大熱姿態喺《Astro華麗臺電視劇大獎》奪得「我的至愛女主角」同「我的至愛角色」兩個獎,成為頒獎典禮成立而嚟最後生嘅「視後」。

胡杏兒同男主角黃宗澤也因此戲假情真,發展成為情侶。

2006年,胡杏兒入行7年雖然已經積累唔少代表作,但未能衛冕視後,佢為突破所以增肥至152磅出演《肥田喜事》「肥田」呢個角,成為大眾話題,卻未能成功沖擊視後。

2011年,算係胡杏兒大豐收嘅一年,佢以《魚躍在花見》嘅「姜羗」,《怒火街頭》嘅「王思苦」角色成功入屋。

之后,胡杏兒離開TVB,事業重心轉移內地,其中一個代表角色係喺《那些年花開月正圓》中飾演面慈但心狠手辣嘅「胡詠梅」。

胡杏兒喺社交平臺總結20年嘅演藝歷程,佢感恩所有演繹唔同人生同唔同角色嘅機會,佢知道無論係人生中或者工作中,仲有好多可以學習嘅地方,胡杏兒承諾會繼續努力,期待一個更好嘅自己。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *