前「TVB花旦」情人節宣布做媽咪,感謝大家祝福

前「TVB花旦」陳法拉突然間喺情人節今日宣布做媽咪,一直都冇透露半點佗B消息嘅佢,呢日曬出兩公婆同BB手仔合照同一張大肚相。

陳法拉留言話:「10月懷胎真係唔容易,但由見到佢嗰一刻開始,就覺得乜都係值得嘅。我哋好開心咁做初哥爸爸媽媽喇!」

陳法拉仲話:「BB喺鼠年尾出世,順產,母女平安,感謝大家嘅祝福,因為係初哥媽咪,所以都好忙,希望有機會盡快同大家見面。都祝大家牛年身體健康。」

講到陳法拉,其實佢喺2005年參加華姐競選獲得亞軍,之後加入TVB發展其演藝事業。

陳法拉曾經參演過TVB唔少經典劇集,包括《溏心風暴》、《沖上云霄II》、《潛行狙擊》、《公主嫁到》等劇集。

陳法拉更憑借《舞動全城》同《巾幗梟雄之義海豪情》分別喺2007年同2010年奪得最佳女配角獎。

另外陳法拉憑住《溏心風暴之家好月圓》阿慶一角同《沖上云霄II》Holiday一角而人氣急升,令人印象深刻,更加多次入圍最佳女主角同我最喜愛的電視女角色最後五強,不過卻未能封後。

《法外風雲》係陳法拉喺TVB最後一部劇集,2013年陳法拉決定離巢TVB,但佢表明雙方關係良好,并視TVB為佢嘅娘家,雙方之後仲會有合作機會。

2019年五月份,陳法拉同拍拖三年嘅法藉男朋友結婚,佢宣布自己攻讀戲劇碩士畢業,馬上獲得美國經理人公司垂青。

之後陳法拉仲有份參演HBO嘅全新迷你劇《The Undoing》,同劇演員仲有金像影後妮可·基德曼同英國男星休·格蘭特。

宜家嘅陳法拉真係事業愛情兩得意,絕對係人生勝利組!

Like MisshkNews Facebook!不出门也能知天下事~

發佈回覆

你的電郵地址並不會被公開。