前「TVB花旦」為癱瘓細佬慶祝生日,姐弟情深!

前「TVB花旦」黎姿(現名黎珈而),曾經係「TVB一姐」,同另外三大視後張可頤、蔡少芬同宣萱被譽為「TVB四大花旦」,可見黎姿喺TVB嘅地位毋容置疑。

可惜,2008年黎姿拍完劇集《珠光寶氣》之後,宣佈全面退出娛樂圈,一直到而家。

講起黎姿退出娛樂圈,相信好多粉絲都覺得好可惜,話曬佢曾經為觀眾帶嚟唔少精彩劇集,比如《倚天屠龍記》、《黑夜彩虹》、《金枝欲孽》系列、《胭脂水粉》、《火舞黃沙》等。

黎姿同細佬黎嬰不嬲姐弟情深,自細佢就努力搵錢供返學細佬讀醫科,直到細佬成為皮膚科醫生,更加自立門戶終于事業有成。

可惜,喺2007年嘅一場交通事故,改變咗佢嘅生活軌跡。黎姿細佬發生嚴重車禍,導致車內嘅黎嬰從此下半身癱瘓。

單嘢對黎姿造成極大打擊,為咗照顧重傷癱瘓嘅細佬,黎姿決定全面退出娛樂圈,一路照顧細佬,一路幫手打理細佬嘅美容公司,今年2月份佢更帶領細佬嘅公司成功上市,并親自出任CEO職位。

終于皇天不負有心人,經過11年嘅治療,舊年黎姿公布細佬黎嬰康復有新突破,佢終于可以企起身啦!

據悉,日前黎姿喺社交平臺曬出為細佬黎姿慶祝生日嘅相,見到佢全黑打扮、戴住紅帽嘅黎嬰顯得喜慶,佢坐喺輪椅上面帶笑容,認真開心。

黎姿仲留言:「祝我親愛嘅細佬生日快樂!生命中有你嘅陪伴,每一日對我嚟講都係祝福!未來嘅日子裏,愿健康、快樂同一切世間美好都相伴你左右!」

唔少網友都送上生日祝福畀黎嬰,更加紛紛大贊黎姿係「絕世好家姐」、「地球上最偉大嘅家姐」。

Like MisshkNews Facebook!不出门也能知天下事~

發表回覆

你的電郵地址並不會被公開。