前「TVB花旦」突然進化,曬素顏照被指…

呢排受新型冠狀病毒疫情影響,大部分人會留喺屋企、出門嗰陣都會戴好口罩等防護措施以免賴嘢,但係長時間戴口罩少不免會造成呼吸唔通暢。

呢日,前「TVB花旦」黎姿就選擇到大自然放松心情,順便享受沙灘與陽光,佢仲留言話:「趁機卸下妝容,讓皮膚出嚟透透氣,做個深呼吸,補充陽光帶嚟嘅維他命D,又係元氣滿滿嘅一日。」

貼文發出之後就有好多網友激贊黎姿素顏係「不老女神」,不過都有網友指呢張相有啲似楊怡,同楊怡撞曬樣啦!

傾到黎姿,你肯定會諗起佢喺《倚天屠龍記》飾演嘅趙敏,以及喺電影版《倚天屠龍記》中嘅周芷若,會諗起《金枝欲孽》中嘅玉瑩小主,呢啲角色真係太經典喇。

不過黎姿自從喺2008年9月同富商馬廷強結婚之後,就宣佈退出幕前,而佢最後一部幕前作品係2008年《珠光寶氣》。

退出娛樂圈嘅黎姿,平日主要打理家族美容生意同照顧3個囡囡,得閑會更新社交平臺同粉絲保持聯絡。

轉眼間黎姿離開娛樂圈已經有12年,較早前黎姿接受採訪時候坦言:「其實我仲有戲癮,話曬喺娛樂圈工作超過20年,但因為而家家庭同工作已好充實,所以暫時都冇打算再復出做幕前,不過偶然都會好懷念以前嘅演藝工作。」

唔理點樣,宜家見到黎姿同富商馬廷強咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *