前「TVB花旦」陳法拉突然喺今年情人節宣布做媽咪，呢日佢喺社交平台分享近況，佢話：「囡囡第一次陪媽咪去拍戲，坐飛機好乖✈️，冇喊！」
相中見佢哋喺機艙內合照，陳法拉囡囡以公仔圖案遮樣，乖乖噉攤喺佢身旁，而有女萬事足嘅陳法拉就流露出幸福甜笑。
除此之外，陳法拉又透露法籍老公Emmanuel Straschnov都有同行，更為佢影相，一家三口相當溫馨。
講到陳法拉，其實佢喺2005年參加華姐競選獲得亞軍，之後加入TVB發展其演藝事業。
陳法拉曾經參演過TVB唔少經典劇集，包括《溏心風暴》、《沖上云霄II》、《潛行狙擊》、《公主嫁到》等劇集。
陳法拉更憑借《舞動全城》同《巾幗梟雄之義海豪情》分別喺2007年同2010年奪得最佳女配角獎。
另外陳法拉憑住《溏心風暴之家好月圓》阿慶一角同《沖上云霄II》Holiday一角而人氣急升，令人印象深刻，更加多次入圍最佳女主角同我最喜愛的電視女角色最後五強，不過卻未能封後。
《法外風雲》係陳法拉喺TVB最後一部劇集，2013年陳法拉決定離巢TVB，但佢表明雙方關係良好，并視TVB為佢嘅娘家，雙方之後仲會有合作機會。
2019年五月份，陳法拉同拍拖三年嘅法藉男朋友結婚，佢宣布自己攻讀戲劇碩士畢業，馬上獲得美國經理人公司垂青。
之後陳法拉仲有份參演HBO嘅全新迷你劇《The Undoing》，同劇演員仲有金像影後妮可·基德曼同英國男星休·格蘭特。
宜家嘅陳法拉真係事業愛情兩得意，絕對係人生勝利組！
Like MisshkNews Facebook！不出门也能知天下事～
