前「TVB花旦」首度曬兩個仔合照，兄弟裝超有型

前「TVB花旦」胡杏兒今年7月為老公李乘德誕下二仔李奕霖（Ryan），加埋下個月就係長子李奕霆（Brendan）2歲生日，組織四口之家，樂也融融。

今日胡杏兒喺社交平臺首次分享兩個仔嘅合照，相中呢對小兄弟，著上同款嘅橫間T恤襯牛仔褲，相信係胡杏兒專登安排嘅兄弟裝。

身為哥哥嘅Brendan坐喺細佬身邊，一展哥哥嘅風范，伸出右手攬住細佬，并開心噉同細佬拍合照。

胡杏兒睇到Brendan咁錫細佬嘅舉動，仲留言話∶“大家成日問我，究竟阿哥有冇呷細佬醋，其實我想講畀大家聽，哥哥唔單止冇呷醋，仲成日親親細佬，好sweet sweet。”