前「TVB花旦」50歲仲單身,張家輝建議到墳場揾男人…

現年50歲嘅前「TVB花旦」宣萱一向都被譽為「最旺夫女主角」,同宣萱合作過嘅男明星都攞過視帝,宣萱經歷過6段戀情,可惜咁多年嚟仲未尋得真命天子。

日前,宣萱同歐陽震華到崔建邦主持嘅節目《老友鬼鬼》暢所欲言,宣萱傾到呢幾年嘅愛情觀,坦言唔會抗拒拍拖,但未遇到啱嘅對象!

宣萱指以前相士講過佢旺夫:「真實就冇,去到呢個年紀真係冇乜所謂,我見到身邊朋友開心嘅佔2至3成、唔開心嘅都有7成,令我睇透唔一定要結婚!」

宣萱坦言遇到啱嘅人會覺得開心:「人越大、經歷多,有啲人得埋嚟,郁一郁條尾,我已經知佢想做乜意圖。」

傾到張家輝曾經為宣萱「物色」對象,宣萱大笑講:「嗰時張家輝同我講,你去墳場,我問佢去墳場做乜?張家輝話咁嗰個人老婆死咗,咁個人幾好,又去拜佢老婆,但佢老婆又死咗,咁你就有機會囖。」

Like MisshkNews Facebook!不出门也能知天下事~

發佈回覆

你的電郵地址並不會被公開。