前「TVB視后」分享首次做蔥油餅,廚藝係逼出嚟嘅

前「TVB視后」楊怡喺2月公佈懷孕喜訊,佢一直乖乖留喺屋企養胎,發掘到下廚嘅樂趣,今日佢就喺社交平臺分享做蔥油餅嘅全過程,賣相相當吸引。

粉絲都大贊賣相不俗:「好想食呀,流曬口水。」,楊怡鐘意下廚,最有口福嘅梗係老公羅仲謙,老公羅仲謙就留言力贊∶「我試過!真係好好味!」

楊怡仲分享感受話:「廚藝係逼出嚟嘅,第一次做蔥油餅,話難話難,話易都唔易,總之Yummy。」楊怡更加係特登添加咗#我唔係地獄廚神嘅話題。

楊怡自從佗B之后胃口就相當唔錯,上星期出街嗰陣佢表示食咗一份禾牛鰻魚定食。

為咗迎接呢個BB來臨,楊怡已經放棄咗事業,2016年4月份約滿TVB之後就選擇性工作,安心做少奶奶,2017年以外援身份拍攝《再創世紀》,之後到而家未有新作品。

唔理點樣,宜家見到楊怡同羅仲謙咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發表回覆

你的電郵地址並不會被公開。