前「TVB視後」啱啱宣佈有喜,老公為咗揾奶粉錢無法陪產

喺啱啱過去冇幾耐嘅情人節,我哋都收到咗好多好消息,好似前「TVB視後」楊怡羅仲謙就喺情人節高調宣佈造人成功,即將為人父母嘅好消息。

好事帶餘溫,尋日TVB新劇《陀槍師姐2020》開工,傳媒發現羅仲謙出現喺新劇嘅片場,未喺屋企陪老婆楊怡,因為要快啲揾奶粉錢!

羅仲謙仲向媒體回應,自己好遺憾唔可以陪住太太楊怡,不過唔駛擔心一切安排妥當,有專人照顧,楊怡嘅媽咪喺屋企陪住老婆。

羅仲謙透露過BB產期係5月尾,所以好擔心新劇啱開工,戲份又重嘅佢離唔開拍攝現場,趕唔到BB嘅出世,無法陪住老婆入產房,陪喺佢身邊見證生命嘅降臨,驚成為遺憾。

雖然無法喺老婆嘅身邊,不過羅仲謙仲係好放心,因為有岳母喺老婆身旁悉照顧,喺身體上,佢冇乜擔心,佢最擔心嘅係太太嘅精神狀況,不過好在老婆楊怡好堅強,都會喺屋企嘅跑步機上運動,身體精神都唔錯。

羅仲謙、楊怡兩公婆都係愛狗人士,所以喺屋企都養住愛犬,羅仲謙喺傳媒面前大贊老婆楊怡好細心,擔心大家都將心思擺喺BB身上,忽略兩隻愛犬,喺呢方面羅仲謙承認自己都冇諗過,不過羅仲謙相信自己一定會一視同仁。

最後,宜家見到羅仲謙、楊怡兩公婆咁幸福,真係替佢哋開心,祝福你哋永遠幸福快樂,同埋都係希望羅仲謙喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *