前亞姐去大陸發展,轉行做美妝達人

前亞姐楊恭如喺社交平臺分享咗一組自己行路嘅相,并配文:「每日一萬步,走走更健康。」見到楊恭如素面朝天,戴住棒球帽同埋大黑超,雖然已經45歲,但睇落仲係好後生。

楊恭如近年嚟主要係喺大陸發展,拍攝咗唔少劇集,喺今年又推出單曲,楊恭如目前仲喺社交平臺分享好用嘅護膚品,做美妝博主,都好受粉絲歡迎。

出世于上海嘅楊恭如,11歲嗰陣跟住父母移民到加拿大,1995年,喺度讀緊大學嘅楊恭如暑假到香港旅游,媽咪幫佢報名參加亞洲小姐競選,當時佢以大熱嘅姿態贏得冠軍同「最上鏡小姐」等4項大獎。

楊恭如喺當時打破咗“亞姐比港姐素質差”嘅印象,之後楊恭如就簽約亞洲電視,成為女藝員,留喺香港開始佢嘅演藝生涯。

楊恭如加入娛樂圈一直都好順利,佢受到亞洲電視力捧,出演咗好多電視劇,例如《劍嘯江湖》、《國際刑警》、《雪花神劍》、《我和僵尸有個約會》等等。

但其實加入亞洲電視只係楊恭如進入演藝圈嘅踏腳石,之後佢就登上咗大銀幕,拍攝電影處女作品《甜蜜蜜》,當時已經同黎明飾演對手戲。

楊恭如更加憑借《甜蜜蜜》獲得香港電影金像獎嘅「最佳新演員」提名。喺1997年,楊恭如參演電影《古惑仔情義篇之洪興十三妹》,更加係為佢帶嚟咗「最佳女配角」嘅提名。

2000年之後楊恭如將事業轉向大陸發展,逐漸淡出香港娛樂圈。

2002年楊恭如搬到一個月租12萬嘅半山豪宅,畀傳媒曝出背后嘅金主係上海首富周正毅,但係楊恭如同周正毅都只稱對方係上海鄉里。

但後來有一次,楊恭如喺銅鑼灣飲下午茶嘅時候,突然畀周正毅嘅太太毛玉萍打咗一巴掌,兼夾大鬧:“你夠膽搞我老公”。

今年楊恭如談到呢件事,先承認當係有介入過周正毅同毛玉萍之間,但佢話自己係畀男方欺騙「佢當初冇講過佢有老婆,後來我先發現自己係第三者,覺得好受傷。」

之後楊恭如經伍詠薇介紹,同有“學界鄭伊健”之稱嘅補習天王簡俊杰拍拖,但係之後又曝出男方一腳踏兩船,呢段感情維持得咗五個月就宣布結束。

隨後楊恭如又與亞視嘅主持人蔡錦豐、臺灣明星黃少祺等人傳過緋聞,但最後都無結果。

楊恭如近年嚟感情一直空缺,而家經常同媽咪一齊出門口,陪媽咪行街,工作時都會帶住媽咪一齊,希望楊恭如可以早日揾到屬於自己嘅另一半,開展人生新階段。

 

發表回覆

你的電郵地址並不會被公開。 必要欄位標記為 *