前亞視小花參加7日斷食營坦言:成個腦都系諗住嘢食

日前,藝人譚杏藍就為新歌《早餐歌》舉行咗發布會,而喺會上佢仲透露跟住為咗宣傳新歌,同時仲會同茶餐廳有合作,推出「花式早餐」,唔知到時又會系以咩形式同大家見面呢?

而今次嘅新歌更加系佢同ToNick主音男友趙善恒(恒仔),首次以情侶檔合作填詞,都話情侶一齊工作容易產生矛盾,不過譚杏藍就笑言,好彩今次合作得幾好,冇嗌交。

佢話:「好彩冇嗌交,佢幫咗我好多,自己一直填開普通話,填廣東話歌詞,真系好唔同。」

話又返嚟,今次為宣傳新歌推出「花式早餐」,唔知譚杏藍自己會唔會都親自下廚,為男友炮制「花式早餐」呢?對此,佢就笑話好少下廚,不過比起以前已經進步唔少,佢話:「唔系只會煮面,次次恒仔都有食曬,都覺得好正嘅。」

貼心嘅譚杏藍知道男友最鐘意食蕎麥面,由于工作原因經常世界各地周圍飛,於是每到一個新地方都會尋找當地嘅蕎麥面,希望讓男友嘗盡各地嘅蕎麥面,佢話:「之前喺臺南斷食營嗰陣,我都喺臺灣買咗面返嚟畀佢,佢好鐘意。」

談及較早前譚杏藍到臺南參加7日嘅斷食營,佢笑話而家身體仲未恢復過嚟,佢話:「我覺得自己氣虛血弱,希望唔會影響我唱歌啦。其中有兩日完全冇食嘢,有一日唔食嘢唔飲水,去到第二日真系好辛苦,手軟腳軟冇力,成個腦都系諗住嘢食。」

1989年出世嘅譚杏藍,曾經喺美國留學,后來返香港之後就參加咗第一屆嘅《亞洲星光大道》,隨后佢仲簽約亞視成為旗下藝人,正式入行,期間佢都曾經推出過多首歌,比如《傻大姐》、《不得了小姐》、《誰叫何里玉》等。

直2014年嘅時候,譚杏藍就約滿離巢,恢復咗自由身。唔理點樣,都系希望譚杏藍可以繼續加油,畀我哋帶嚟好作品,期待!

發表回覆

你的電郵地址並不會被公開。 必要欄位標記為 *