前小虎隊成員年卅晚夜報喜,宣佈抗癌成功

香港小虎隊成員林利喺2017年畀查出患上直腸癌,而喺發現病情之後,林利就即刻進行咗切除腫瘤手術,兼夾嗰場手術都好成功,每次復診出嚟嘅結果都係好樂觀,病情都慢慢噉穩定落嚟。

雖然林利喺術後情況穩定,但佢仲唔敢完全放松落嚟,因為進行移除癌細胞手術唔代表就唔會發作,喺術後1到3年係癌症復發嘅高峰期,喺呢段時間,如果冇重視嘅話就好容易有復發嘅情況出現。

不過話雖如此,但林利對待病情好樂觀,樂觀向上嘅佢喺舊年5月份仲同女朋友Erin求婚,兼夾喺7月16日正式簽字結婚,結婚之後兩個人非常幸福。

而呢排,林利就喺社交平臺上分享咗一個好消息,佢曬出一張同醫生嘅合照,睇得出林利嘅狀態非常好。

唔少網友見到林利呢個消息之後,紛紛感到好欣慰,大家都替佢覺得開心,而呢個消息無疑係畀林利最好嘅鼠年禮物。

心情零舍開心嘅林利,佢喺昨日仲曬咗一張身穿喜慶紅色唐裝款式衫同大家拜年,祝大家開開心心之外,都要注意身體健康,不過就并冇見到佢老婆Erin嘅身影。

講到林利其實佢除咗係演員之外,佢仲係一位歌手,佢係喺1982年參加咗TVB與華星娛樂合辦嘅第一屆新秀歌唱大賽而入行,仲係同梅艷芳同屆,同時喺當年林利仲同故渭康、孫明光組成「香港小虎隊」。

「香港小虎隊」呢個組合最經典嘅作品係《伴我起航》、《忍著眼水說goodbye》,當時更因此而爆紅,不過佢哋呢個組合并冇維持得太耐,喺組合成立兩年之後就宣佈解散。

喺演藝事業,林利都有唔少令人印象深刻嘅作品,當中就有《學警狙擊》、《老婆大人》、《警戒線》、《同事三分親》等等,最後,misshk恭喜林利終於抗癌成功,兼夾同老婆一直幸福落去!

發表回覆

你的電郵地址並不會被公開。