前小虎隊成員苦盡甘來,52歲抗癌成功,單身多年宣布拍拖啦

人生跌宕起伏,但都會苦盡甘來。呢句話,擺喺前香港小虎隊成員之一——林利身上,最適合不過。80年代TVB新秀歌唱大賽出身,混跡多年始終紅唔起,舊年仲意外患上咗直腸癌,換做系邊個都會覺得人生真系唏噓。

識佢嗎?《潛行狙擊》嘅天哥——杜亦天扮演者。離開TVB都有D年嘞,喺2017年嘅時候回巢。

返嚟之后又想拍戲,冇幾耐(2017年9月份)就喺醫院查出咗患上直腸癌第三期,當時佢試過驚、絕望,但到咗呢個年紀,雖然中年焦慮頗深,但林利抱著死馬當活馬醫嘅諗法,冇諗太多,接受醫生嘅安排做手術就得了。

喺2018年1月份做埋咗手術,順利鏟除咗“11CM嘅腫瘤”,2月份接受訪問嘅時候,林利話好彩自身嘅抗體好,癌細胞冇擴散,手術后只需要慢慢咁等恢復即可,但佢并冇多聽醫生嘅勸告。

手術之后冇幾耐,就去擔任演唱會嘉賓去喇。

抗癌成功,對林利嚟講意義非凡,所以佢開始咗佢正能量之旅。

一方面,不斷接工作,讓自己頻撲起身,先后接咗TVB嘅《鐵探》、《殺手》等劇集,入面有唔少嘅動作戲,林利連破戲都接咗。咁搏命當然唔得嘞,林利就一度喺拍戲過程中,突然間休克,就系喺拍《殺手》嘅時候。

好彩后尾及時送到咗醫院,但到第二日,林利又去晨運。

另一方面,就系珍惜當下,不斷喺自己嘅社交網上分享自己嘅“大叔日記”,同粉絲們一齊開心過自己嘅生活,唔系曬自己,系曬自己同媽媽嘅日常,每日基本都喺堅持,真系佩服呀。

就喺日前,佢宣布拍拖啦!直頭喺社交網上曬咗一張“我終于戀愛了”嘅粉紅色泡泡圖,即時得到咗300多條評論,一片倒嘅祝福同恭喜。

接受記者電話訪問嘅時候,佢透露咗呢個真命女友系上天嘅安排,話系喺內地做生意嘅圈外人,自己同佢識咗二十幾年,但都有好多年冇見喇,較早時重新遇見,就咁慢慢喺埋一齊。

單身大叔,從此過上幸福嘅生活。

Like MisshkNews Facebook!不出门也能知天下事~

發佈回覆

你的電郵地址並不會被公開。